Kryeministri i Hungarisë, Viktor Orban, deklaroi se nuk do t’i nënshtrohet presionit të BE-së për të vendosur embargo ndaj gazit dhe naftës ruse. Pak ditë pasi fitoi mandatin e 4-të radhazi në vendin e tij, Orban tha se kjo do të ishte një vijë e kuqe për Hungarinë.
Ai gjithashtu tha se ka biseduar në telefon me Presidentin rus Vladimir Putin, dhe i ka kërkuar që të shpalle armëpushimin e menjëhershëm në Ukrainë.
“Përgjigja e tij ishte pozitive, por kishte disa kushte. Unë nuk mund të negocioj për t’i plotësuar këto kushte, për dot duhet të dakordësohen ai dhe Presidenti i Ukrainës”, tha Orban, transmeton A2CNN.
“Këtë luftë e nisi Rusia, ajo e sulmoi Ukrainën dhe ne ndajmë me Bashkimin Europian këtë deklaratë”, shtoi Orban. Kryeministri hungarez shihet gjerësisht si aleati i vetëm i Putin brenda Bashkimit Europian. Përveç se kundër sanksioneve ndaj gazit rus, Orban ka dalë edhe kundër dërgimit të armatimeve perëndimore në Ukrainë, përmes vendit të tij.
