Pas një vonese për shkak të pandemisë, Grammy rikthehet më në fund. Ceremonia që do të fillojë pas disa orësh (në 2 të mëngjesit me orën tonë lokale) do të mbahet në Las Vegas. Disa nga artistët e këtij viti mund të bëjnë histori.
Kanye West
Kanye West do të bëjë histori nëse tejkalon numrin e çmimeve të Jay-Z, 23 çmime – numri më i lartë për një artist të hip-hopit. Kanye ka 22 Grammy dhe është nominuar për 5 herë të tjera këtë edicion, duke përfshirë edhe “Albumi i vitit” për “Donda”. Megjithatë nuk do të jetë e lehtë sepse Jay-Z ka 3 nominime këtë vit.
BTS
Nëse albumi i tyre “Butter” fiton në kategorinë e albumit më të mirë, BTS do të jenë të parët përfaqësues të K-Pop që fitojnë Grammy.
Olivia Rodrigo
Olivia Rodrigo ka 7 nominime për albumin debutues “Sour”, duke përfshirë “Artistja e re më e mirë”, “Albumi i vitit”, “Kënga e vitit” dhe “Record of the year” për “Drivers License”. Nëse ajo fiton të gjitha çmimet, do të të bëhet artistja e 2-të më e re që fiton 4 çmimet kryesore në Grammy. Olivia është 19 vjeç. Në vitin 2020, Billie ishte këngëtarja më e re që fitoi 4 çmimet kryesore. Asokohe ishte 18 vjeç.
Tony Bennett
Tony Bennett fitoi për herë të parë “Albumi i vitit” për “I Left My Heart In San Francisco” në vitin 1963. Bennett ka 5 nominime këtë vit për bashkëpunimin e tij me Lady Gaga-n në albumin “Love for Sale”. Ata janë janë nominuar për cover-in e “I Get a Kick Out of You”, një këngë e shkruar rreth 88 vjet më parë nga Cole Porter. Në moshën 95-vjeçare, ai është personi më i vjetër që ka publikuar album.
Jon Batiste
Jon Batiste kryeson të gjithë artistët këtë vit me 11 nominime në Grammy në zhanre të ndryshme. Ai është i nominuar për albumin “We Are” dhe kolonën zanore të filmit “Soul”. Nëse ai fton të paktën 9 çmime, do të shënojë një moment historik duke kaluar Michael Jackson dhe Santana si artistët që kanë fituar më shumë Grammy në një vit, shkruan Anabele Magazine.
Ata kanë fituar 8 Grammy, përkatësisht në vitin 1984 dhe 2000.
