Kryetari i Gjakovës, Ardian Gjini ka reagur ndaj lajmit se është ndaluar bartja e shamisë në një shkollë në Gjakovë, përcjell InLajmi.
Gjini theksoi se gabime të tilla nuk do të ndodhin në të ardhmen, gjersa theksoi se Gjakova është shembull i rrallë i bashkëjetesës fetare vëllazërore.
Tutje ai tha se gabimet dhe mosperceptimi i ndjeshmërive nuk mund të ndikojnë te asnjë qytetar i komunës së Gjakovës.
Kryetari i Gjakovës tha se Këshilli i BIK-ut është institucion jashtëzakonisht i respektuar në komunën e tij.
Në fund Gjini falënderoi kryetarin e BIK-ut në Gjakovë, Valon Myrtaj dhe nënkryetarin Ahmet Hoxhën për vizitën dhe për bashkëpunimin e shkëlqyer që ata kanë.
Postimi i plotë i tij:
Gjakova është shembull i rrallë i bashkëjetesës fetare vëllazërore. Gabimet dhe mosperceptimi i ndjeshmërive nuk mund të ndikojnë te asnjë qytetar i komunës së Gjakovës. Këshilli i Bashkësisë Islame të Kosovës në Gjakovë është institucion jashtëzakonisht i respektuar dhe në mënyrën më të mirë të mundshme i përfaqëson ndjenjat e besimtarëve myslimanë të komunës sonë. Jemi dakorduar që gabime të tilla si ai dje nuk bën të ndodhin në të ardhmen.
Falenderova kryetarin e BIK-ut në Gjakovë, Valon Myrtaj dhe Nënkryetarin e këtij institucioni të respektuar fetar, Ahmet Hoxha për vizitën dhe bashkëpunimin e shkëlqyer që kemi. /InLajmi/
