Profesori, Blerim Latifi i ka numëruar ushtarët e Ushtrisë Çlirimtare të Kosovës nëpër 7 zonat e saj gjatë luftës në Kosovë, e që në përfundim i dalin 13 mijë e 500.
Teksa po diskutohej për numrin e vërtet të veteranëve të luftës, Latifi i ka numëruar ushtarët nëpër të gjitha zonat, ku zona operative e Dukagjinit e cila ka qenë më e madhja, sipas Latifit në pikun e saj ka pasur 3 mijë deri në 3 mijë e 700 ushtarë.
UÇK i ka pas 7 zona, këto zona kanë pas madhësi të ndryshme, varësisht prej specifikave që i kanë pas. Zona më e madhe ajo e Dukagjinit, e cila realisht, në pikun e mobilizimit nuk ka pas më shumë se 3 mijë deri në 3 mijë e 700 luftëtarë. E 2-ta ka qenë zona operative e Drenicës, në pikun e saj i ka pas 2500 deri në 2700 luftëtarë.
E 3-ta ka qenë zona e Pashtrikut e cila maksimumi i ka pas 2000 luftëtarë. Zona e Llapit e cila maksimumi i ka pas 1500 luftëtarë. Zona operative e Shalës nuk i ka pas më shumë se 900 luftëtarë. Zona e Nerodimes nuk i ka pas më shumë se 500 luftëtarë. Zona e Karadakut dyfish më pak”, tha Latifi.
Ai po ashtu i ka numëruar edhe ushtarët e Brigadës 138 dhe të njësisë që kanë sulmuar në Pashtrik.
“I kemi edhe dy njësi tjera, që është brigada 138, e cila i ka pas 1700 ose 1800 luftëtarë si dhe njësitet e UÇK që kanë sulmu në Pashtrik, në maj të 99-së e cila sillet rreth 1 mijë luftëtarë”, tha ai, shkruan Gazeta Express.
Latifi tha se piku i ushtarë ka qenë vera e vitit 1998, ndërsa thotë se UÇK-ja nuk ka pasur kurrë më shumë se 13 mijë e 500 ushtarë.
