Kryetari i Kuvendit të Kosovës , Glauk Konjufca së bashku me deputetë ka pritur në takim Mimi Kodheli, kryetarn e Komisionit për Politikë të Jashtme të Kuvendit të Republikës së Shqipërisë, së bashku me bashkëpunëtorë, raporton InLajmi.
Haki Abazi nga Lëvizja Vetëvendosje në një konferencë për media tha se në këtë takim kanë diskutuar për çështje të përbashkëta natyrisht edhe për ndikimin që ka lufta në Ukrainë në 2 shtetet.
“Po ashtu biseduam edhe për koordinimin dhe intensifikimin mbi normalen në mes 2 shteteve për ta përballuar krizën. Do të ndjehet edhe më shumë nëse kjo luftë vazhdon. Zotimet nga 2 komisionet ishte ta bëjmë punën që ky intensifikim të bëhet në kohën e duhur në interes të qytetarëve tanë. Në diskutim kishim edhe brengosjen dhe veprimet konkrete për sigurinë. Shqipëria është në NATO e Kosova e ka KFOR-in këtu. E kaluara na ka mësuar të jemi të kujdesshëm ndaj rreziqeve që janë jo demokratike”, tha Abazi./InLajmi/
