Ministri i Jashtëm rus, Sergei Lavrov dje tha se Beogradi do të ishte vendi ideal për zhvillimin e takimeve në kuadër të delegacionit ukrainas dhe atij rus.
E pas kësaj ka reaguar presidenti serb, Aleksandar Vuçiq.
Vuçiq deklaroi se janë të gatshëm që të “ofrojnë Beogradin si vend për negociata”
Ai tha se Beogradi ishte tashmë një vend për negociata, si në lidhje me këtë krizë poashtu edhe me bisedimet me talebanët.
Madje ai tha se është i shqetësuar për situatën në Ukrainë, sepse sipas tij ende nuk e sheh që konflikti mund të përfundojë së shpejti.
“Situata është e vështirë dhe është shumë e rëndësishme që ne të vazhdojmë të punojmë për të përmirësuar ekonominë”, shtoi ai.
Vuçiq ka lavdëruar kryediplomatin rus duke thënë se Lavrov e njeh jashtëzakonisht mirë diplomacinë botërore dhe i kupton gjërat shumë mire, transmeton lajmi.net
“Kam biseduar shumë herë me Lavrovin, ai e njeh jashtëzakonisht mirë diplomacinë botërore dhe nuk ke pse t’i thuash asgjë. Ai i kupton gjërat mirë, siç i kuptojnë ambasadorët e Rusisë dhe Ukrainës në Serbi, Alexander Botsan-Kharchenko dhe Oleksandr Aleksandroviq, të cilët e kuptojnë mirë Serbinë”, shtoi ai.
