Ushtria ruse konfirmoi të dielën sulmet në depot e karburantit në qytetin perëndimor të Ukrainës, Lviv dhe jashtë Kievit, transmeton InLajmi.
“Më 26 mars, armët me precizion të lartë të lëshuar nga ajri shkatërruan një bazë të madhe karburanti pranë qytetit të Lviv, e cila siguronte karburant për trupat ukrainase në rajonet perëndimore të Ukrainës, si dhe afër Kievit, tha zëdhënësi Igor Konashenkov, zëdhënës i Ministrisë ruse të Mbrojtjes në një konferencë të dielën.
Konashenkov konfirmoi që ushtria ruse e kishte sulmuar qytetin e Lvivit të shtunën, duke theksuar se raketat e lundrimit kishin shënjestruar punëtoritë e uzinës së riparimit të radios në Lviv, për të cilën ai pretendoi se ata kryenin riparimin dhe modernizimin e sistemeve të armëve ukrainase.
Autoritetet ukrainase kanë konfirmuar goditjen në bazën e karburantit në Lviv.
Shërbimi Shtetëror i Emergjencave të Ukrainës tha të dielën se zjarri që shpërtheu në depon e karburantit në Lviv ishte shuar në orën 6:49 të mëngjesit.
Kryetari i bashkisë së Lviv, Andriy Sadovyi, tha në një postim në Twitter të dielën se zjarrfikësve iu deshën 14 orë për të shuar zjarrin, shkruan CNN.
Më vete, Konashenkov pretendoi se armët e lëshuara nga deti kishin shënjestruar një objekt të ruajtjes së raketave ukrainase 18 milje (30 kilometra) në jugperëndim të Kievit. /InLajmi/
