I pari i Lëvizjes Vetëvendosje dhe kryeministri i Republikës së Kosovës, Albin Kurti sot feston ditëlindjen e 47-të, shkruan InLajmi.
Albin Kurti ka lindur më 24 mars të vitit 1975 në Prishtinë, ndërsa është kryeministri i 4 dhe i 6 i Kosovës pas shpalljes së pavarësisë.
Kryeministri Kurti është bërë i njohur që nga viti 1997 si nënkryetar i sindikatës studentore të Universitetit të Prishtinës dhe organizatori kryesor i demonstratave jo të dhunshme në vitet 1997 dhe 1998.
Derisa, i ndjeri Adem Demaçi u patë bë përfaqësues politik i Ushtrisë Çlirimtare të Kosovës (UÇK), Kurti pati punuar në zyrën e tij.
Po ashtu, Kurti ka qenë deputet i Republikës së Kosovës që nga viti 2010 në 3 legjislatura radhazi.
Ndryshe, kryeministri Kurti është i martuar me Rita Augestad Knudsen dhe kanë një vajzë e cila quhet, Lea. /InLajmi/
