Presidenti ukrainas Volodymyr Zelensky u ka bërë thirrje njerëzve në mbarë botën, që të protestojnë publikisht të enjten për pushtimin e Rusisë ndaj Ukrainës, transmeton InLajmi.
“Lufta e Rusisë nuk është vetëm lufta kundër Ukrainës. Kuptimi i saj është shumë më i gjerë,” tha Zelensky.
Zelensky tha se Rusia po përpiqet të mposht lirinë e të gjithë njerëzve në Evropë dhe të gjithë njerëzve në botë.
Ai shton: “Bota duhet të ndalojë Rusinë. Bota duhet të ndalojë luftën.”
“Tashmë një muaj. Kaq kohë. Na thyen zemrën, zemrat e të gjithë ukrainasve dhe çdo njeriu të lirë në planet”, tha ai, shkruan BBC.
Ai bëri thirrje për demonstrata në rrugë në mbarë për të shprehur pakënaqësitë për luftën në Ukrainë. /InLajmi/
