Kryetari i Partisë Demokratike të Kosovës, Memli Krasniqi, në konferencën e mbajtur për media këtë të martë ka renditur dështimet e shumta për një vit të qeverisjes Kurti, raporton InLajmi.
“Kryeministri Kurti ka ardhur duke e shtruar politikën si ngjarje transformuese, por ajo që ka ndodhur është se ai është konvertuar në një politikan procedural pa kurrfarë vizioni. Ka thënë se do ta kenë prioritet dialogun me Serbinë, por ky dialog është shndërruar në një çështje teknike për arritjen e marrëveshjes finale në ndërsjellë. Por ky dialog ka prodhuar pasoja”, tha Krasniqi.
Ndërkohë, Krasniqi tha se qeverisja Kurti nuk ka bërë asgjë as sa i përket rrafshit të investimeve strategjike.
“Duhet theksuar një prej skandaleve ka qenë padyshim refuzimi pa bazë i projektit amerikan për gazin”, tha Krasniqi./InLajmi/
