Kryetari i Prizrenit, Shaqir Totaj, ka uruar 8 Marsin, ditën e gruas i cili ka thënë se kjo ditë festohet për të nderuar dhe respektuar imazhin e gruas anë e mbanë botës, përcjell InLajmi.
Totaj ka thënë se pikërisht në këtë datë, të gjithë së bashku duhet të shprehim mirënjohje për figurën e gruas duke kujtuar përpjekjet e grave për barazi, paqe e drejtësi.
Ai është zotuar për mbështetje dhe përkrahjen e grave në shoqëri në mënyrë që të mbrohen të drejtat e tyre dhe barazia në shoqëri.
Postimi i plotë i tij:
DITA NDËRKOMBËTARE E GRUAS, 8 MARSI
Dita Ndërkombëtare e Gruas 8 Marsi festohet për të nderuar dhe respektuar figurën e gruas, në gjithë botën.
Në këtë datë të rëndësishme në gjithë botën gratë dhe burrat pa dallim feje, race, kulture, gjuhe dhe prejardhjeje bëhen bashkë për të shprehur mirënjohjen ndaj figures së gruas, por edhe për të kujtuar përpjekjet e grave për barazi, paqe, drejtësi dhe zhvillim në gati 9 dekada.
Gratë janë themeli më i rëndësishëm i familjes dhe i çdo shoqërie!
Gruaja shqiptare është simbol i butësisë dhe i forcës, dashurisë dhe rezistencës, është simbol unifikues i familjeve shqiptare, është shtylla e edukimit dhe arsimimit të fëmijëve të vendit tonë, prandaj ne jemi mirënjohës ndaj nënave dhe grave tona dhe vlersojmë punën, sakrificat dhe përkushtimin e tyre për familjen dhe kombin tonë. Gratë shqiptare qëndrojnë të palëkundura përballë sfidave dhe ecin ballëhapur drejtë zhvillimit dhe fuqizimit të figures dhe ndikimit të tyre në shoqëri.
Unë si kryetar i Komunës së Prizrenit zotohem se do jem përherë përkrahës i fuqizimit të rolit të gruas në shoqëri, do të punoj për të mbrojtur të drejtat e tyre dhe për të ju ofruar trajtim të barabartë në shoqërinë tonë.
Gëzuar 8 Marsin/InLajmi/
