Shefi i Grupit Parlamentar të AAK-së, Besnik Tahiri, I është drejtuar Kurtit duke I thënë të që lë fjalimet dhe ngjarjet solemne port ë rris pagat e mësimdhënësve, përcjell InLajmi.
Ai tutje tha se seancat sipas tij formale si ajo e paralajmëruar për këtë të hënë në Kuvendin e Kosovës nuk janë seanca që i bëjnë nder mësimdhënësve.
Tahiri kërkoi që kryeministri Kurti në seancën e sotme duhet të tregojë datën kur do t’ marrin mësimdhënësit pagat me rritje.
Ndër të tjera ai tha se kategoria e mësimdhënësve është e çmuar dhe nuk duhet të neglizhohet dhe se dinjiteti i tyre duhet të ruhet nga shteti ynë.
Postimi i plotë i tij:
Lëri fjalimet e bukura e ngjarjet solemne por rriti pagat e mësimdhënësve, kryeministër!
Arsimi ka qenë shtylla e vetme e cila ka ruajtur dhe lartësuar ndjenjën se një ditë do ta gëzojmë shtetin e pavarur dhe besimin në një të nesërme më të mirë. Kjo kategori e çmuar e shoqërisë nuk duhet të neglizhohet, shteti duhet ta ruajë dinjitetin e tyre.
Sot, janë afër 24 mijë mësimdhënës parauniversitar me pagë mesatare prej 470 euro, të cilët presin implementimin e Ligjit të Pagave.
Seancat e tilla formale sikur kjo e sotmja, nuk i bëjnë nder mësimdhënësve. Kryeministri gjatë seancës së sotme duhet që t’I komunikojë mësimdhënësve datën se kur do t’i marrin pagat me rritje. Nëse kjo nuk ndodh, atëherë kjo seancë solemne është vetëm një mashtrim i radhës ndaj kësaj kategorie dhe kategorive tjera që përfitojnë nga implementimi i Ligjit të Pagave.
Urime 7 marsi!/InLajmi/
