Kryetari i NISMA Socialdemokrate, Fatmir Limaj, ka lënë të hapur negociatat për përfshirje të mundshme në qeveri nëse i “kërkohet”.
Limaj ka thënë se pas procesit zgjedhor nuk është takuar me Albin Kurtin por ka pasur takime me Isa Mustafën.
“Kam kontakte të rregullta me Isa Mustafën. Ne kemi takime të vazhdueshme miqësore me LDK-në, edhe takimi pas zgjedhjeve ka qenë i tillë” I pari i NISMA-s ka thënë se koalicionet qeverisëse janë bërë dy apo tri ditë pas zgjedhjeve e sipas tij këtë gjë nuk po e shohim në këto zgjedhje.
“Nuk kam folur me Isa Mustafën për skenarë të mundshme. Qytetarët e kanë dhënë verdiktin. Ka një vendim gjyqësor dhe dihet cilës parti i takon të formojë qeverinë”.
Limaj ka thënë se NISMA ka pritur që LDK do të del fituese e zgjedhjeve dhe sipas tij atëherë do të ishte i qartë pozicioni i partisë së tij në favor të përfshirjes në Qeveri.
Megjithatë Limaj ka thënë se është i gatshëm t’i përgjigjet ndonjë ftese nga Vetëvendosje.
“Jam i gatshëm t’i përgjigjem çdo ftese për takim, por nuk e di çfarë do të pranojmë të bisedojmë në tavolinë”, ka thënë Limaj në “Debat Plus” me Ermal Pandurin në RTV Dukagjini,
Limaj ka thënë se ka informata e që, sipas tij “nuk vijnë nga çarshia”, se Thaçi dhe Kurti janë takuar
“Informatat që unë kam ata [Thaçi e Kurti] janë takuar. Ata kanë kompetencat e veta… Shenjat nuk janë të këqija [mes tyre]”, tha ndër të tjera Fatmir Limaj.
