Gjatë ditës së shtunë është raportuar se në Bërnjak po punohet për ngritjen e një baze, përcjell InLajmi.
E lidhur me këtë menjëherë nga Policia e Kosovës kanë dalë me një njoftim ku kanë shpjeguar detajet.
Siç njofton Policia e Kosovës, bazuar në detyrat dhe autorizimet e saj ligjore çdo herë ndërmerr veprimet e nevojshme policore për ofrimin e sigurisë si dhe ruajtjen e rendit dhe sigurisë publike në nivel vendi.
“Referuar nevojës së përmirësimit të kushteve të punës për zyrtarët policorë të kufirit në Bërnjak, të cilët kanë punuar në kushte jo të mira, sot Policia e Kosovës ka dërguar pajisje logjistike dhe kontejnerë, të cilat do të ju shërbejnë zyrtarëve policorë të policisë kufitare për kryerjen e detyrave policore, në interes të ofrimit të sigurisë për qytetarët dhe sigurisë publike”,ka njoftuar Policia e Kosovës. /InLajmi/
