Historiani, Durim Abdullahu ka thënë se Shaban Polluzha udhëhoqi lëvizjen e parë kundër komunizmit në Europë. Thotë se Polluzha kishte mbi 1000 njerëz të armatosur.
“Më 1944 komandanti i armatës jugosllave urdhëron komandantin e forcave paraushtarake Darazhan Mihajllovicin me i likuiduar të gjithë shqiptarët të cilët ishin pjesë e ushtrisë jugosllave të vetëdijshëm se Jugosllavia po pushtohej prej Gjermanisë dhe këta njerëz mund të shndërroheshin në një forcë efektive në terren që është e pakontrollueshme. Këtu del në skenë Shaban Polluzha”, tha Abdullahu.
“Shaban Polluzha ishte 70 vjeç në Luftën e Dytë Botërore ndërsa Fadil Hoxha 25 vjeçar”, theksoi ai.
“Më 1944 mbahet një Kuvend në kullën e Shaban Polluzhës dhe ai zgjidhet për herë të parë, në njëfarë forme, lider në Kuvend me pak më shumë se 100 delegatë.
“Më 10 prill 1941, Shaban Polluzha thërret një mbledhje të Shtabit dhe themelin njësitin e tij “Shqiponjat”, që ka këtë emër për me e mbrojt Kosovën. Njësiti ishte i përbërë prej diku 1.000 ushtarëve në 5 batalione, batalione të cilat kryesisht janë të shtrira në Drenicë”, shpjegoi ai në Pressing në T7.
“Është thënë prej disa historianëve por mbetet ndoshta me u sqaruar më mirë, Lëvizja e Shaban Polluzhës është parë si lëvizja e parë anti-komuniste në Europë pas Luftës së Dytë Botërore”, tha Abdullahu.
