Me rastin e shënimit të 14 vjetorit të pavarësisë së Kosovës, Shoqata për kulturë dhe art “Fidani” në Prizren, në bashkëpunim me drejtorinë komunale për kulturë rini dhe Sport, dje organizuan takimin tradicional poetik, “Ora e Pavarësisë”, – shkruan InLajmi
Për këtë manifestim që u mbajt në sallën e Shtëpisë së Kulturës “Xhemajli Berisha” në Prizren, javë më parë ishte hapur konkursi letrar, e ku morrën pjesë një numër i madh I krijuesve letrar, pothuajse nga gjitha trevat shqiptare. Me këtë rast Juria profesionale e “Orës së pavarësi së 2022”, i shpërbleu pozitë më të mira. Vendi i tretë i takoi poezisë “Bekime me yje”, të autorit Idriz Berisha-XhixhiI, kurse vendin e dytë e ndanë poezitë “Amanetin mos ma harroni”, me autor Selim Tahiri dhe poezia “Dysheku i endrrave”, me autore Trëndalina Omuri
Vendin e parë e ndanë poezitë “MirëmëngjesiI” autor Abaz Çengaj dhe “Udhët lumturohen nën diellin tënd” me autore Rita Osmani. Kurse Çmimi “Xhemil Doda” i takoi poezisë “Poetët” nga Xheladin Mjeku.
Poashtu në këtë takim poetik u shpërblyen edhe poetët që krijon në gjuhën turke, Taner Güçlütürk, si dhe Mustafa balje, krijues në gjuhën boshnjake.
Ne fund promotori i këtij manifestimi tradicional, Berat Batiu nga Shoqata për kulturë dhe Art “FIDANI”, të pranishmëve u shpërndau edhe librin “Ora e pavarësisë 2022”, ku janë botuar pothuajse të gjitha poezitë që kanë arritur për këtëp konkurs. Osman Goranci/InLajmi/
