Ministri i Mbrojtjes, Armend Mehaj, ka bërë të ditur se së bashku me Ministrin e Infrastrukturës, Liburn Aliu, kanë nënshkruar Memorandumin e Bashkëpunimit që ushtarët e FSK-së tani e tutje të lirohen nga pagesa për shërbimet e transportit hekurudhor, përcjell InLajmi.
Mehaj dhe Aliu gjatë këtij takimi janë zotuar për bashkëpunim dhe për realizimin e e suksesshëm në të gjitha fushat që i bashkojnë këto 2 ministri.
Postimi i plotë i tij:
Krahas çështjeve në fusha tjera, me Ministrin Aliu sot nënshkruam Memorandumin e Bashkëpunimit, ku ndër tjera, ushtarakët e FSK-së lirohen nga pagesa e shërbimeve të transporti publik hekurudhor gjatë udhëtimit me uniformë.
Ministria e Mbrojtjes dhe Ministria e Mjedisit, Planifikimit Hapësinor dhe Infrastrukturës, zotohemi për realizimin e suksesshëm të memorandumit dhe të gjitha fushave tjera të interesit të përbashkët.
Vazhdojmë me punë të mira dhe sukseset e radhës./InLajmi/
