Ontario në Kanada ka shpallur gjendjen e jashtëzakonshme në përgjigje të protestave 2-javësh kundër kufizimeve të Covid-19, transmeton InLajmi.
Mijëra demonstrues kanë protestuar në Otava qendrore, cilët edhe kanë bllokuar Urën e Ambasadorit dhe një pjesë të vogël të kalimeve të tjera kufitare.
Krejt këto protesta po bëhen për shkak të masave ndaj Covid-19, e cila nuk i lejon kamionistët të hyjnë në Kanada pa të gjitha dozat e vaksinës.
Ndërsa demonstratat po vazhdojnë të bllokojnë disa rrugë të Otavës dhe Urën e Ambasadorit, urë e cila bashkon rrugën SHBA-në dhe Kanadanë.
Bllokimi i infrastrukturës thelbësore do të bëhet “ilegale” sipas urdhrit, tha Kryeministri Doug Ford, pasi për shkak të kundërshtimit të kufizimit të masave ndaj Covid-19 kamionistët po protestojnë në shenjë pakënaqësie për këto masa, duke bllokuar rrugën kryesore.
Sipas kryeministrit, protestuesit mund të përballen me një vit burg dhe 100.000 dollarë kanadezë në gjobë.
Ford tha se urdhri do të zbatohet për këdo që pengon lëvizjen e mallrave, njerëzve dhe shërbimeve përgjatë pikave kufitare ndërkombëtare, aeroporteve, porteve dhe autostradave kryesore.
Provinca kanadeze do të sigurojë gjithashtu autoritet shtesë në mënyrë që licencat personale dhe tregtare të protestuesve që nuk respektojnë mund të anulohen, shkruan BBC.
Protestat në mbarë vendin kundër mandateve të vaksinës Covid-19 janë gati të hyjnë në fundjavën e tyre të 3-të. /InLajmi/
