Në pikën kufitare të Kosovës, të quajtur Kullë, Policia e Kosovës ka raportuar se e ka arrestuar një person, shtetas i Malit të Zi, i cili në dalje nuk e ka deklaruar mallin që e kishte në automjet, përcjell InLajmi.
E personi i dyshuar që ka tentuar t’i ikë deklarimit të mallit siç e kërkon Ligji dhe rendi, është arrestuar nga Policia e Kosovës.
Ndërkohë, në mallin që nuk e deklaroi personi i dyshuar, kishte pasur pije të ndryshme dhe cigare.
Njoftimi i plotë i Policisë së Kosovës:
Mos deklarimi i mallit
PKK, Kullë. Është arrestuar i dyshuari mashkull shtetas i Malit të Zi, pasi qe i njëjti në vendkalimin kufitar në dalje nuk e ka deklaruar mallin që e kishte në automjet. Gjatë kontrollit në vijën e 2 është konstatuar se i dyshuari në automjet kishte 44 litra pije të ndryshme alkoolike dhe 30 pako me cigare. Lidhur me rastin është njoftuar prokurori, me urdhrin e të cilit i dyshuari pas intervistimit është liruar, kurse malli është sekuestruar dhe së bashku me dokumentacion i dorëzohet Doganës së Kosovës për procedura të mëtejme./InLajmi/
