Nga infeksionet tek terapitë intensive dhe të zakonshme, të gjitha të dhënat janë në rënie dhe tregojnë një situatë pandemike që është gjithnjë e më shumë nën kontroll.
Hapi i parë do të jetë lamtumira ndaj detyrimit për përdorimin e maskave në ambiente jashtë, masë kjo e vendosur me dekretin e 13 tetorit 2020, pra 16 muaj më parë, kur Giuseppe Conte ishte ende kryeministër.
Por pika vendimtare e kthesës do të jetë më 31 mars kur gjendja e jashtëzakonshme do të përfundojë me një lehtësim të të gjitha kufizimeve të tjera , duke përfshirë lejen e gjelbër .
Përpara datës 31 mars, është e mundur që të hiqet detyrimi për të pasur leje të përforcuar për të gjitha ato aktivitete cilat parashikohet të zhvillohen në natyrë, nga restorantet tek stadiumet, dhe ato në të cilat duhet “baza”, dyqane, shërbime personale, bankat, zyrat postare dhe zyrat publike.
Hapi i 2-të, që përkon me përfundimin e gjendjes së jashtëzakonshme, ka të bëjë me ambientet e brendshme si kinematë, teatrot, muzetë, restorantet dhe mjetet lokale të transportit, shkruan TGCOM
Po ashtu nga 10 marsi do të jetë e mundur, për të vizituar sërish familjarët e shtruar në spital për 45 minuta në ditë ndërsa kapacitetet e stadiumeve dhe sallave sportive do të rriten përkatësisht në 75% dhe 60% me synimin për t’i rihapur plotësisht 100% para përfundimit të sezonit, transmeton VizionPlus.tv
Heqja e izolimit për pozitivët asimptomatikë mund të vendoset para datës 31 mars sikurse ka bërë tashmë edhe Britania e Madhe.
