Adoleshentja dhe skijatorja, Eileen Gu ka fituar medaljen e saj të parë të artë në Lojërat Olimpike Dimërore të Pekinit si “Sikjatorja më e mirë”, transmeton InLajmi.
Tifozët e Eileen Gu rrëzuan përkohësisht platformën kryesore të mediave sociale të Kinës të martën, duke e postuar e ripostuar shumë herë vajzën, e cila u bë senzacion. Tema rreth fitores së saj dominoi në platformën e ngjashme me Twitter-in e Kinës Weibo, ku 7 nga 10 temat kryesore në trend ishin të gjitha rreth fitores së Gu. Fansat në Weibo-n e saj, ku ajo ka 2.6 milionë ndjekës, lanë më shumë se 90.000 komente në më pak se 30 minuta pas fitores së saj.
Gu, 18 vjeçarja me origjinë amerikane në garën për skijim mposhti me vështirësi francezen Tess Ledeux, e cila mori medaljen e argjendtë me rezultatin 187.50.
“Ai ishte momenti më i mirë i jetës sime. Momenti më i lumtur i jetës sime. Nuk mund ta besoj atë që sapo ndodhi,” tha Gu pas fitores së saj, sipas faqes Olympic.
Tifozët mbushën tribunat për të brohoritur për Gu, e cila lindi dhe u rrit në Kaliforni, por vendosi të konkurronte për Kinën.
E njohur si “princesha e borës” mes fansave të saj kinezë, Gu tashmë një kampione botërore në fuqi është bërë fytyra e lojërave olimpike të Kinës, e cila pa popullaritetin e saj të ngrihej në qiell pas fitores, shkruan CNN.
Hashtags të ngjashëm, si “Gu Ailing fitoi medaljen e artë”, morën më shumë se 300 milionë shikime brenda një ore, duke rrëzuar përfundimisht të gjithë faqen e Weibo për shkak të numrit masiv të përdoruesve. /InLajmi/
