Presidenti rus në një konferencë të përbashkët me homologun e tij francez Emanuel Macron pas takimit të tyre në Moskë, me temë kryesore situatën në Ukrainë, ka sulmuar NATO-n duke përmendur edhe sulmet e vitit 1999 ndaj Serbisë.
Putin në konferencën e përbashkët me Macronin ka ironizuar për rolin e NATO-s e cila sipas tij paraqitet si organizatë mbrojtëse, por që në fakt ai thotë se është e kundërta.
Presidenti rus ka thënë se sa është NATO organizatë mbrojtëse më së miri e dinë njerëzit e vendeve si Iraku, Siria, Afganistani, e edhe Serbia, ndaj së cilës sipas tij u krye një operacion i madh ushtarak. Ai tha se kjo tregon se NATO është larg të qenit një organizatë paqësore, transmeton Reporteri.net
“NATO është organizatë e mbrotjes, nëse është e vërtetë është diçka qe njerëzit e shume vendeve e kane parë në praktikë, siç është Iraku, Siria, Afganistani dhe operacioni i madh ushtarak i kryer në Beograd, pa sanksione të Këshillit të Sigurimit. Kjo është diçka larg asaj që një organizatë paqësore mund te ketë bërë”, ka thënë Putin.
