Kryeministri i Kosovës, Albin Kurti, në një konferencë për media ka bërë të ditur se, Qeveria e Kosovës sapo ka miratuar propozim-vendimin e masave kundër koronavirusit, raporton InLajmi.
Kurti ka thënë se Kosova po kalon valën e Omicron më mirë se disa vende të rajonit, i cili shtoi se spitalizimet janë në nivelin 16.6 të pikut.
Sipas tij kjo, falë masave të marra, vendi ynë do ti shpëtojë pasojave të rënda, ndryshe nga disa vende të rajonit që po përballen me vështirësi të mëdha.
‘’Nuk jemi ende në gjendje për tu relaksuar plotësisht’’, tha Kurti.
Tutje ai u ka bërë thirrje qytetarëve të vaksinohen kundër koronavirusit, dhe të marrin dozat përforcuese për të shmangur koronavirusin, pa pasur nevojë të merren masa më të rrepta.
Ai shtoi se masat do të përditësohen sipas situatës pandemike në vendin tonë./InLajmi/
