Jeton Zulfaj nga Zyra e Kryeministrit vlerëson se me ardhjen e Qeverisë Kurti, drejtësia në vend më nuk është e kapur politikisht.
“Ardhja e qeverisë së re ka shliruar shumë nga institucionet e sundimit të ligjit të cilat tashmë nuk janë të kapura nga politika dhe të cilat tashmë veprojnë lirshëm aty ku do të duhej të vepronin. Pra është hekë presioni politik dhe është hekë interesi politik që ka qenë për vite të tëra dhe kjo është një nga pjesët e reflektimit në fushën e drejtësisë”.
Zulfaj në emisionin Rubikon në Klan Kosova mes tjerash përmendi afera të mëhershme korruptive mbi të cilat sipas tij drejtësia nuk veproi.
“Por, nuk jemi aty ku duhet pasi kemi parë raste të shumta në të cilat nuk është vepruar dhe lufta ndaj korrupsionit vazhdon”.
“Kemi parë raste të korrupsionit që nuk është reaguar në të kaluarën si në rastin “Pronto” ku nuk ka pasur ndëshkim të madh dhe kemi parë nga gjyqësori që nuk kanë marrë vendime që do të tregonin se drejtësia funksionon”, tha Zulfaj.
