Dimal Basha, deputeti i Lëvizjes Vetëvendosje, së fundmi ka reaguar ndaj deklaratës së thënë pak minuta më parë në seancën e Kuvendit të Kosovës kur po diskutohej lidhur me propozimin për shtrenjtimin e energjisë elektrike, përcjell InLajmi.
Basha ka thënë se të kërkosh ide nga partitë opozitare për të dalë nga kriza e energjisë elektrike, është “si me i lypë qorrit sy”, ndërkaq lidhur me këtë ka thënë se ka qenë lapsus i momentit dhe pajtohet se është absolutisht e gabueshme.
Ndryshe, Shoqata e të Verbërve të Kosovës ka reaguar ndaj deklaratave të deputetit të LVV-së, Dimal Basha, pasi që ky i fundit ka përdorur një gjuhë tejet ofenduese ndaj personave të verbër.
Postimi i plotë i tij:
Sapo kuptova për reagimin ndaj një lapsusi në fjalimin tim sot.
Ka qenë lapsus lingua e momentit. Pajtoj që është absolutisht e gabueshme dhe prandaj kërkoj falje publike, edhe pse qëllimi im nuk ka qenë ofendimi ndaj askujt./InLajmi/
