Drejtori sportiv i Barcelonës, Mateu Alemany, sqaroi se mungesa e Ousmane Dembélé nga skuadra për ndeshjen kundër Athletic Bilbaos është për faktin se karriera e francezit në stemën katalanase ka marrë fund.Klubi tashmë dëshiron largimin e tij të menjëhershëm.
“Sot, më 20 janar, 11 ditë para mbylljes së merkatos, është e qartë se lojtari nuk dëshiron të vazhdojë te Barcelona dhe nuk është i përkushtuar ndaj projektit për të ardhmen e klubit. Përballë këtij skenari, ai dhe agjenti i tij janë informuar se duhet të largohet menjëherë, sepse ne duam vetëm lojtarë të përkushtuar ndaj klubit dhe shpresojmë që transferimi i tij të realizohet para 31 janarit” , garantoi menaxheri në një deklaratë për Barça TV.
Dhe ai këmbënguli: “Mos thirrja e tij ndaj Athleticos është pasoja sportive e gjithë kësaj.
Ai tha se lojtarët të cilët nuk janë të përkushtuar, nuk duam të jenë pjesë e ekipit tonë, shkruan Gazeta Blic.
‘’Ne nuk duam lojtarë që nuk janë të përkushtuar, që nuk duan të jenë te Barça. Nuk është klubi ai që duhet të përcaktojë, por trajneri. Kështu bëri dhe ka mbështetjen tonë. Na duket se është një qëndrim absolutisht koherent”, përfundoi ai.
