Christian Eriksen është afër rikthimit në Premierligën Angleze. Ylli danez që ndau javë më parë rrugët me Interin është në bisedime me skuadrën e Brentford.
Skuadra simpatike angleze i ka ofruar mesfushorit danez një kontratë fillestare 6 mujore.
29-vjeçari pësoi një arrest kardiak gjatë Euro 2020 verën e kaluar dhe që nga ajo kohë nuk ka luajtur asnjë ndeshje zyrtare.
Trajneri i Brentford, Thomas Frank është admirues i madh i bashkëvendasit të tij dhe beson në kualitetet e Eriksen.
Mesfushori i njohur ka disa javë që po stërvitet me skuadrën daneze Odense, sa për të mbajtur formën fizike, transmeton Indeksonline.
“Qëllimi im është të luaj në Kupën e Botës në Katar. Unë dua të luaj. Jam i sigurt se mund të kthehem sepse nuk ndihem ndryshe. Fizikisht, jam kthyer në top formë” ka thënë Eriksen.
