Mimoza Kusari Lila, shefja e Grupit Parlamentarë të Lëvizjes Vetëvendosje një një konferencë për medie, këtë të hënë ka theksuar se reciprociteti bëhet në mes të 2 vendeve, raporton InLajmi.
Votimi i Rezolutës të Referendumit serb, të shtunën në Kuvendin e Kosovës, sipas Kusarit e ka rikonfirmuar vullnetin e të gjitha partive, pozitë e opozitë, që nuk duhet lejuar diçka që e shkel kushtetutën e Kosovës.
“Votimi me një referendum të një shteti tjetër është i paraparë, por ekzistojnë metoda me shkuarje në shtetin ku mbahen zgjedhjet, me postë apo në ambasadën e atij shteti. Mund të bëhen përgatitjet 2- 3 muaj më parë në mënyrë që të kuptohet se Kosova e ka një ligj për të gjithë njëjtë, pra me të drejtat që i garanton 2 shtetësia”, tha Kusari-Lila.
Ndryshe, Kusari njoftoi se të enjten pritet të zhvillohet seanca e radhës plenare, si fillim do të mbahet debat parlamentarë të propozuar nga AAK-ja që ka të bëjë me rritjen e çmimeve. /InLajmi/
