Në 23-vjetorin e rënies së civilëve në Masakrën e Reçkut, kryetari i Komunës së Prizrenit, Shaqir Totaj, ka thënë se kjo është ndër ngjarjet më të rënda dhe krimet më monstruoze të Serbisë ndaj civilëve shqiptarë në Kosovë, përcjell InLajmi.
Masakrimi i burrave, grave por edhe fëmijëve në Reçak, Totaj tha se ishte paralajmërim i frikshëm i Serbisë vrasëse se nuk do të lë shqiptarë gjallë deri në arritjen e qëllimeve të saj.
Më tej, kryetari Totaj tha se Kosova nuk do të rresht së kërkuari drejtësi dhe do të kujtohen përherë martirët, dëshmorët dhe heronjtë.
Postimi i plotë i tij:
Masakra e Reçakut është ndër ngjarjet më të rënda dhe krimet më monstruoze të Serbisë ndaj civilëve shqiptarë në Kosovë. Masakrimi i fëmijëve, grave, burrave e të moshuarëve në fshatin e vogël e të paepur Reçak – ishte paralajmërimi i frikshëm i Serbisë vrasëse se nuk do të lë shqiptarë gjallë deri në arritjen e qëllimeve të saj.
Në sytë e botës dhe në zemër të Evropës, Serbia përsëriti njërën nga masakrat më të llahtarshme që prej Luftës së Dytë Botërore. Bota perëndimore me në krye ish shefin e vëzhguesve ndërkombëtarë, mikun Ëiliam Ëalker foli zëshëm atëherë por sot po hesht karshi mos kërkimit të faljes dhe mos dhënies së përgjegjësisë nga Serbia.
Ne, nuk do të rreshtim së kërkuari drejtësi. Ne, do t’i kujtojmë përherë martirët, dëshmorët dhe heronjtë!
Lavdi!/InLajmi/
