Tashmë dukuria e vjedhjes është çdo ditë në rritje. E vjedhjet janë nga më të ndryshmet, në shtëpi, pompa benzine, në barnatore e dyqane, përcjell InLajmi.
Por numrin ‘një’ po e mban vjedhja nëpër shtëpi. Së fundmi në Mitrovicë, gjegjësisht në rrugën “Driton Veliu” sipas Policisë janë kapur në flagrancë 3 meshkuj duke vjedhur në një shtëpi.
Pas lajmërimit të Policisë, kjo e fundit i ka arrestuar që të 3 personat ndërsa pas përfundimit të procedurave të parapara, janë dërguar në mbajtje.
Njoftimi i plotë i Policisë së Kosovës:
Rr. Driton Veliu, Mitrovicë, 13.01.2022-19:35. Tre të dyshuar meshkuj kosovarë janë kapur në flagrancë duke vjedhur në shtëpinë e viktimës mashkull kosovar, Të dyshuarit janë arrestuar dhe pas intervistimit me vendim të prokurorit janë dërguar në mbajtje, rasti në procedurë hetimore./InLajmi/
