Sonte zhvillohet gjysmëfinalja e parë e Superkupës së Spanjës, atje ku na pret njëri nga derbit më të mëdhenj në botë.
“El Classico” mes Barcelonës dhe Real Madridit do të luhet sonte në ora 20:00.
Një sfidë ndryshe nga herat tjera kjo për shkak se nuk luhet as në “Camp Nou” e as në “Santiago Bernabeu”, por në Riad të Arabisë Saudite.
Katalunasit nuk kanë aspak formë të mirë në këtë edicion të La Ligas, kurse Real Madridi po vazhdon të shkëlqejë dhe është bindshëm në vendin e parë.
Kur jemi tek mungesat e 2 skuadrave, Barcelona është më e penalizuar në këtë drejtim. Braithwaite M, Demir Y, Garcia E, Roberto S, Wague M janë mungesat në formacionin e Xavit, kurse Diaz dhe Bale mungojnë tek Real Madrid, shkruan Gazeta Blic.
Këto 2 skuadra janë takuar në pjesën e parë të këtij edicioni të La Ligas, atje ku Real Madrid triumfoi ndaj Barcelonës me rezultat 2 me 1.
