Zëvendësministrja e Drejtësisë, Nita Shala, ka bërë të ditur se ka mbledhur grupin koordinues ndër-ministror kundër dhunës në familje, përcjell InLajmi.
Shala tha se në këtë takim ishte e pranishme edhe ministrja e Drejtësisë, Albulena Haxhiu, e cila tha se do të ndërmirren nisma isntitucionale që garantojnë përgjigje më të drejtë kundër dhunës në familje.
Në takim u dakorduan që të bëjnë veprime parandaluese dhe vitkimat e dhunës në familje të kenë mbështetje të plotë.
‘’Në këtë aspekt, u dakorduam në funksionalizimin e Grupi Përgjegjës Reagues për përgjigje të shpejtë e efikase në rastet më të rënda. Gjithashtu, zbatimin e aktiviteteve të parashikuara në Strategjinë Kombëtare kundër Dhunës, të cilat parashihet të ndikojnë si në parandalim dhe trajtim të saktë të rasteve të dhunës në familje’’, thuhet tutje në njoftim.
Postimi i plotë i saj:
Në cilësinë e Koordinatores Nacionale, mblodha Grupin Koordinues Ndër-Ministror kundër dhunës në familje. E ndërsa disa nga 29 pjesëmarrësit në takim erdhën në ambientin e Ministrisë së Drejtësisë, të tjerët iu bashkuan diskutimit përmes lidhjes online.
Në takim mori pjesë edhe Ministrja e Drejtësisë, Albulena Haxhiu, ku theksoi shqetësimin që ndajmë për dhunën në familje dhe domosdoshmërinë për të ndërmarrë nisma institucionale që garantojnë përgjigje më të drejtë kundër dhunës nga secili zyrtar në institucionet përgjegjëse.
‘Më shumë veprime pro-aktive e parandaluese, mbështetje të plotë e të drejtë për viktimat dhe trajtim të duhur të kryesve në rastet e dhunës që po raportohen’ – ishte dakordësimi mes të gjithëve prezent. Në këtë aspekt, u dakorduam në funksionalizimin e Grupi Përgjegjës Reagues për përgjigje të shpejtë e efikase në rastet më të rënda. Gjithashtu, zbatimin e aktiviteteve të parashikuara në Strategjinë Kombëtare kundër Dhunës, të cilat parashihet të ndikojnë si në parandalim dhe trajtim të saktë të rasteve të dhunës në familje./InLajmi/
