Ministria e Mjedisit, Planifikimit Hapësinor dhe Infrastrukturës u ka bërë apel qytetarëve të Kosovës, që të kenë kujdes të shtuar dhe t’i respektojnë rregullat e vozitjes, përcjell InLajmi.
Ministria gjithashtu ka njoftuar se pas reshjeve të borës të ditës së djeshme, të gjitha rrugët janë të kalueshme mirëpo vetëm në disa segmente rrugore komunikacioni është zhvilluar me vështirësi.
Më tej, Ministria ka njoftuar se Operatorët Ekonomik, për mirëmbajtjen e rrugëve kanë qenë në aktivitetin e tyre të plotë gjatë tërë natës edhe mbrëmë andaj sot të gjitha rrugët janë të qarkullueshme.
Postimi i plotë i Ministrisë së Mjedisit, Planifikimit Hapësinor dhe Infrastrukturës:
Pas reshjeve të borës ditën e djeshme, të gjitha rrugët kanë qenë të kalueshme, por në disa segmente të rrugëve komunikacioni është zhvilluar me vështirësi.
Ju informojmë se Operatorët Ekonomik, për mirëmbajtjen e rrugëve kanë qenë në aktivitetin e tyre të plotë gjatë tërë natës së mbrëmshme dhe si rezultat i këtij aktiviteti sot të gjitha rrugët e Republikës së Kosovës të cilat menaxhohen nga MMPHI, janë të qarkullueshme për të gjitha llojet e automjeteve.
Kërkojmë nga ana e vozitësve kujdes më të shtuar dhe respektim të rregullave të vozitjës.
Prishtinë./InLajmi/
