Në pjesën e 2 të mbledhjes së Kuvendit Komunal të Prishtinës tani ka përfunduar votimi i përfaqësuesve të Komitetit për Politikë dhe Financa, raporton InLajmi.
Përfaqësuesit janë nga Lëvizje Vetëvendosje: Nora Kelmendi, Arbnora Berisha, Mirsad Vitia edhe Gëzim Sveçla
Nga LDK-ja , Jeta Rafuna, Donat Lushaku, Donjeta Dragusha, nga PDK , Shegë Beqiri, Plator Gërdoci si dhe
nga AAK Bahri Gashi. Për të propozuarit kanë votuar 40 asamblistë, 3 kundër, derisa abstenime nuk ka pasur.
Ndryshe, pakënaqësi dhe shtyrje të kësaj pike për në seancën e radhës ka pasur nga AKR-ja, por që një gjë e tillë nuk është miratuar.
Fitnete Bejta nga AKR, ka deklaruar se nëse një parti nuk ka përfaqësues në këtë Komitet atëherë nuk mund të funksionojë si duhet.
“Neve na takon një anëtarë në KPF. Nëse një grup s’ka anëtarë të një partie nuk mund të funksionojë si duhet.Kjo e defunksionalizon punën në Kuvend. Subjektet duhet të jenë të përfaqësuara në këtë grup”, tha ajo. /InLajmi/
