Disa robotë punojnë në vende e rrethana tejet të rrezikshme të vështira, ku njerëzit nuk mund të hyjnë të eksplorojnë ose të veprojnë, shkruan InLajmi.
Për shembull në vende ku ka derdhje kimike helmuese, rrjedhje radioaktive apo në ndërtesa të dëmtuara nga tërmeti, që për njerëzit do të ishin shumë të dëmshme, madje dhe vdekjeprurëse.
Robotët e bombave
Robotët për asgjësimin e bombave, që dërgohen për të hetuar predha të pashpërthyera si minat apo bombat, bëjnë matje dhe foto nga afër, të cilat ua dërgojnë ekspertëve që ndodhen diku më larg, jashtë zonës së rrezikut.
Krahët e tyre mund të zgjatën dhe në ta mund të vendosen një numër instrumentesh, si kthetrat për të kapur dhe bartur ndonjë pako të dyshimtë, apo ndërprerës uji, të cilët shërbejnë për të hedhur ujë me forcë në një bombë, për t’ia shkatërruar qarqet para se të shpërthejë.
Robotët e shpëtimit
Në rast fatkeqësish, robotët ndihmojnë në gjetjen e të mbijetuarve dhe për të hetuar pjesët më të rrezikshme në vendin e një aksidenti. Disa robotët mund të futen në vende shumë të ngushta, si nëpër tuba apo rrënoja.
Ata mund të zbulojnë gazra të rrezikshme apo të gjejnë shenja jete në mes të gërmadhave, mikrokamerat e tyre u dërgojnë pamje punonjësve të ndihmës në sipërfaqe.
Robotët e shpëtimit u përdorën për të kërkuar për viktima pas fatkeqësisë në Qendrën Tregtare Botërore(Kullat Binjake) në vitin 2001, si dhe pasi uragani Katrina goditi Nju Orleasin të Shteteve të Bashkuara të Amerikës në vitin 2005.
Ata ndihmuan gjithashtu gjatë fatkeqësisë se minierës në kanionin Krandall, në Utah të SHBA-së në vitin 2007.
Zhytës të thellësive
Makinat pa njerëz mund të zhyten për periudha të gjata kohe, pa pasur nevojë të furnizohen me sasi të mëdha oksigjeni që do t’i duhesh një ekuipazhi për të marrë frymë.
Ato mund të ndërtohen të vogla, për t’u futur në zona të vështira dhe përdoren për të vëzhguar pjesë të rrezikshme të dyshemesë së oqeanit, si vullkane nënujore, apo mbeturina aeroplanësh e anijesh të mbytura.
Automjeti me telekomandë(Remotely Operated Vehicle-ROV), Jason eksploroi Titanikun e mbytur më se 4 kilometra nën sipërfaqen e oqeanit Atlanntik. /InLajmi/
Burimi: Discovery Channel
