Ndërsa bota po përgatitet për të mirëpritur vitin 2022, shumë festime të Vitit të Ri po anulohen ose zvogëlohen mes infeksioneve në rritje për shkak të variantit Omicron, transmeton InLajmi.
Pra, a do të vazhdojnë ende disa nga festimet më ikonike sonte?
Franca
Shfaqja e fishekzjarreve në Paris dhe festimet në Champs-Elysees janë anuluar edhe pse nuk ka orë policore për natën e Vitit të Ri.
Edhe klubet e natës në të gjithë vendin janë mbyllur.
Australia
Ngjarja spektakolare e fishekzjarrëve të Sidneit në port ka vazhduar, vetëm me më pak spektatorë se zakonisht.
Vitin e kaluar, para vaksinimit masiv, spektatorët u ndaluan, por këtë herë njerëzit po u kërkohet të mbajnë maska dhe të distancohen siç duhet.
Zelanda e Re
Në Zelandën e Re fqinje, ku nuk ka pasur ndonjë përhapje në komunitet të variantit të koronavirusit Omicron, autoritetet anuluan disa shfaqje të fishekzjarrve si masë paraprake, duke përfshirë një të njohur nga maja e Kullës Sky të Auckland.
New York
Festimet ikonoke të Vitit të Ri në Nju Jork, përkatësisht në Times Square do të zhvillohen, por me turma shumë më të vogla se normalja.
Të gjithë ata që marrin pjesë do t’u kërkohet të mbajnë një maskë, sipas zyrës së kryebashkiakut Bill de Blasio.
Kryeministri dhe sekretari i shëndetësisë kanë thënë se njerëzit duhet të jenë të kujdesshëm në natën e Vitit të Ri.
Londër
Shfaqja rreth Syrit të Londrës është anuluar si dhe një festë në sheshin Trafalgar për 6,500 njerëz. Ngjarjet e tjera të anuluara përfshijnë festimet e famshme Hogmanay të Edinburgut.
Njerëzit që planifikojnë të festojnë jashtë, po nxiten të bëjnë një test të thjeshtë. Megjithatë, testet janë aktualisht në mungesë.
Klubet e natës janë të mbyllura në Skoci, Uells dhe Irlandën e Veriut për natën e Vitit të Ri, por mbeten të hapura në Angli.
Brazil
Rio bëri një kthesë të kundërt në ngjarjen e tij të fishekzjarrëve dhe tani është kthyer përsëri.
Fishekzjarret e Rios në plazhin Copacabana janë rikthyer pasi ishin anuluar më parë, por koncerti më pas nuk do të vazhdojë.
Me më shumë se 618,000 vdekje të regjistruara nga COVID-19, Brazili ka një nga numrat më të keq të vdekjeve nga pandemia, por deri më tani janë konfirmuar vetëm 77 raste të Omicron.
Greqia
Nuk do të ketë fishekzjarre mbi Akropol këtë vit.
Këtë javë ministri i shëndetësisë i vendit njoftoi kufizime të reja në sektorin e mikpritjes, duke sjellë përpara masat e planifikuara për në fillim të janarit.
Nga mbrëmja e së enjtes, baret, klubet e natës dhe restorantet do të mbyllen në mesnatë, pa klientë në këmbë dhe pa muzikë, me përjashtim të natës së Vitit të Ri kur mund të qëndrojnë të hapur deri në orën 02:00.
Itali
Ngjarjet publike në sheshet e Italisë janë të ndaluara në natën e Vitit të Ri
Koncertet, ngjarjet në ajër të hapur dhe klubet janë mbyllur deri më 31 janar dhe ngjarjet publike në sheshet e Italisë janë gjithashtu të ndaluara në natën e Vitit të Ri.
Ndërsa nuk ka kufizime për festimet në shtëpi.
Portugalia
Qeveria portugeze urdhëroi që klubet e natës dhe baret të mbyllen në prag të Vitit të Ri pasi rastet e variantit Omicron rriten.
Testet e COVID-19 tani janë gjithashtu të detyrueshme për të hyrë në hotele, kazino dhe restorante, dhe tubimet në natyrë janë kufizuar në 10 persona.
Vendi raportoi një rekord të ri ditor prej 30,829 rastesh të koronavirusit në natën e Vitit të Ri, nga 28,659 një ditë më parë, me variantin e përhapur me shpejtësi të Omicron që përbën rreth 83% të të gjitha rasteve të reja, treguan të dhënat zyrtare, shkruan Sky news.
Koreja e jugut
Në kryeqytetin e Koresë së Jugut, Seul, ceremonia vjetore e Vitit të Ri u anulua për vitin e 2 për shkak të rritjes së rasteve të COVID.
Një video e regjistruar paraprakisht e ceremonisë së këtij viti do të transmetohet në internet dhe në televizion. /InLajmi/
