Drejtori Ekzekutiv i KDI-së, Ismet Kryeziu ka thënë se rinumërimi i votave do të garantojë legjitimitetin e procesit zgjedhor dhe do të shmangë dyshimet për ndonjë manipulim apo deformim të mundshëm nga ana e komisionerëve.
Kryeziu thekson se në rinumërim nuk pritet ndryshim i rezultatit me përjashtim të NSIMA-AKR që janë afër pragut për vetëm 21 vota.
“Rinumërimi s’pritet t’i ndryshojë rezultatet zgjedhore e as renditjen e subjekteve politike. I vetmi subjekt që mund t’i nënshtrohet ndryshimit në rezultatet zgjedhore është koalicioni NISMA/AKR/PD të cilët kanë rezultat shumë të ngushtë, me vetëm 21 vota sa ishin mbi pragun 5%. Numri kaq i vogël prej 21 votave të cilat e bëjnë diferencën e kalimit të pragut ose mbetjes nën prag, potencialisht mund të ndikohen dhe nga gabimi më i vogël gjatë procesit së numërimit e i cili ka mundur të ndodhë me 6 tetor” u shpreh Kryeziu.
Postimi i tij i plotë:
Pavarësisht vonesave në certifikimin e rezultateve zgjedhore, rinumërimi do të garantojë legjitimitetin e procesist zgjedhor dhe do shmang të gjitha dyshimet për manipulim ose deformim të vullnetit qytetar nga ana e komisionerve.
Rinumërimi s’pritet t’i ndryshojë rezultatet zgjedhore e as renditjen e subjekteve politike. I vetmi subjekt që mund t’i nënshtrohet ndryshimit në rezultatet zgjedhore eshtë koalicioni NISMA/AKR/PD të cilët kanë rezultat shumë të ngushtë, me vetëm 21 vota sa ishin mbi pragun 5%. Numri kaq i vogël prej 21 votave të cilat e bëjnë diferencën e kalimit të pragut ose mbetjes nën prag, potencialisht mund të ndikohen dhe nga gabimi më i vogël gjatë procesit së numërimit e i cili ka mundur të ndodhë me 6 tetor. /InLajmi
