Ministri i Kulturës, Rinisë dhe Sportit, Hajrulla Çeku, ka mbajtur sot një konferencë për medie për raportimin e fundvitit dhe planet për vitin e ardhshëm, raporton InLajmi.
Ai ka thënë se kanë identifikuar 200 monumente të trashëgimisë të cilat janë në rrezik të shkatërrohen, ku tutje la thënë se kanë ndarë 5.4 milionë euro për mbrojtjen e trashëgimisë.
“200 monumente në rrezik. Po restaurojmë shumë objekte në gjithë vendin. Sot kemi dorëzuar 54 për mbrojtje të përhershme. Për vitin 2022, kemi planifikuar 5.4 milionë për mbrojtjen e trashëgimisë”.
Ndërsa tutje ai ka bërë të ditur së gjatë këtyre ditëve pritet që të fillojnë punimët emergjente në Kompleksin e Jasharajve.
“Kompleksi Adem Jashari, këto ditë nisin punimet emergjente, vitin e ardhshëm do të hapim konkurs ndërkombëtar për master-planin”.
Ministri me tej e bërë të ditur që janë ndarë 913 mijë euro për OJQ për mbrojtjen e trashëgimisë, ku edhe ka thënë se me Shqipërinë kanë arritur marrëveshje anëtarësim në organizata ndërkombëtare.
“913 mijë euro janë nda për OJQ për mbrojtjen e trashëgimisë. Me Shqipërinë kemi marrëveshje për anëtarësim në organizata ndërkombëtare”. /InLajmi/
