Ministrja e Drejtësisë, Albulena Haxhiu e shoqëruar nga zëvendës Sekretari i Përgjithshëm, Lulzim Beqiri, ka pritur sot në takim Komisioneren e Agjencisë për Informim dhe Privatësi, Krenare Sogojeva Dermaku, përcjell InLajmi.
Ministrja Haxhiu ka vlerësuar punën e kësaj Agjencie në angazhimin që po bën me qëllim që të mbrohen të drejtat dhe liritë themelore të personave fizikë, në lidhje me përpunimin e të dhënave personale si dhe garantimin e qasjes në dokumente publike.
Sa i përket kërkesave për qasje në dokumente publike të cilat janë drejtuar në adresë të Ministrisë së Drejtësisë, ministrja Haxhiu theksoi se të njëjtat janë trajtuar me prioritet dhe kanë marrë përgjigje brenda afatit të paraparë me ligj. Haxhiu tha se Ministria e Drejtësisë mbetet e përkushtuar për të ofruar qasje dhe transparencë për secilin medium dhe qytetarë të Republikës së Kosovës.
Nga ana tjetër, komisionerja Sogojeva Dermaku, ka vlerësuar bashkëpunimin me Ministrinë e Drejtësisë dhe shtoi se si Agjenci mbeten të përkushtuar për të bashkëpunuar me të institucionet shtetërore lidhur me çështjet që konsiderohen të rëndësishme për qasjen në dokumente publike dhe mbrojtjen e të dhënave personale. /InLajmi/
