Këshilltari politik i presidentes Vjosa Osmani, Blerim Vela, ka reaguar referuar rastit të marrjes në pyetje të gazetarit Adriatik Kelmendi, nga Shërbimi Sekret Serb (BIA) për qëndrimin e tij në Beograd në cilësinë e avokuesit publik të pajtimit rajonal, përcjell InLajmi.
Në reagimin e tij presidencial, thuhet se ky veprim i BIA-s, është një shembull se si presidenti serb Aleksandar Vuçiq minon lirinë e lëvizjes për qytetarët e Kosoëvs.
”Ngacmimi i Agjencisë së Inteligjencës së Sigurisë së Serbisë ndaj gazetarit të Kosovës @adriatikk është një shembull se si regjimi i #Vuçiqit minon lirinë e lëvizjes për qytetarët e Kosovës. Natyrisht, diskriminimi dhe masat arbitrare janë fytyra e vërtetë e një fasade të quajtur “Ballkani i Hapur””, thuhet në cicërimën e lëshuar në Twitter nga Vela.
Ndryshe disa vite pa ndërprerë secilën herë nëpër kalime kufitare, aeroporte ose në arritjen në Beograd, inspektorët e BIA-s zhvillojnë biseda informative me gazetarin Adriatik Kelmendi./InLajmi/
