Nesër në Kosovë pritet të mbajë mot kryesisht i vranët dhe me reshje të herëpashershme bore. Reshjet e borës pritet të jenë më të koncentruara në viset kodrinore-malore, por shkurtimisht edhe në disa ultësira mund të ketë intervale me reshje bore. Temperatura maksimale pritet të arrijë deri në 3 gradë Celsius. Vende-vende mund të ketë edhe intervale kohore me diell, ndërsa nuk duhet harruar edhe erërat e ftohta veriore dhe veriperëndimore të cilat pritet të shtojnë ndjesinë e të ftohtit.
Në Shqipëri pritet të mbajë mot i thatë, me alternime mes vranësirave dhe intervaleve të gjata kohore me diell. Fjolla bore mund të ketë lokalisht në verilindje të vendit.
Mot me vranësira dhe intervale kohore me diell nesër pritet edhe në Maqedoninë Veriore, Mal të Zi dhe Luginën e Preshevës. Në disa vise priten intervale reshjesh bore, shkruan Meteo Ballkan.
Mot i ngjashëm pritet edhe ditëve të ardhshme. Reshjet do të pakësohen. Nga e marta ulje të ndjeshme të temperaturave, ndërsa nga e enjta zbutje e motit dhe rritje e temperaturave
