Ministrja e Drejtësisë, Albulena Haxhiu, ka takuar sot përfaqësuesit e Komisionit Ndërkombëtar për Persona të Zhdukur (ICMP), përcjell InLajmi.
Gjatë këtij takimi, ministrja Haxhiu u njoftua nga ky komision në lidhje me fushëveprimin e tyre dhe gatishmërinë për të ndihmuar institucionet e vendit, veçanërisht Institutin e Mjekësisë Ligjore për ri-inventarizimin e Morgut të Prishtinës.
Ministrja Haxhiu ka vlerësuar vullnetin e shprehur nga përfaqësuesit e ICMP për të vazhduar me mbështetjen e tyre ndaj institucioneve të vendit në zbardhjen e fatit të personave të zhdukur si dhe mirëpriti mbështetjen e ICMP për ri-inventarizimin e Morgut të Prishtinës.
Po ashtu, Ministrja theksoi se ky Komision do ta ketë përkrahjen e nevojshme nga Ministria e Drejtësisë në proceset lidhur me zbardhjen e fatit të personave të zhdukur. /InLajmi/
