Ministrja e Punëve te Jashtme dhe Diasporës, Donika Gërvalla-Schwarz, ka thënë se të drejtat duhet reciproke për si për shqiptarët në Serbi, ashtu edhe për serbët në Kosovë.
“Është shumë i qartë qëndrimi i Qeverisë së Kosovës që të drejtat duhet të jenë reciproke, pra çfarë është mirë për një serb në Kosovë nuk mund të jetë keq për një shqiptar në Serbi, prandaj në luftojmë edhe në bisedat që zhvillojmë me partnerët ndërkombëtar, edhe me negociata për këtë reciprocitet të drejtash sepse në fund të fundit ku është e keqja e kësaj”, tha Gërvalla-Schwarz në Prime Time në Kanal10.
Tutje, Gërvalla-Schwarz shtoi se një reciprocitet i tillë do ti bënte mirë zhvillimeve në rajon.
“Kemi nevojë për një universalitet të të drejtave të pakicave kombëtare në të gjitha shtetet e rajonit dhe mendojmë që një reciprocitet i tillë do ti bënte shumë mirë zhvillimeve në rajon”, deklaroi Gërvalla-Schwarz.
