Bitcoin është kriptomonedha virtuale më e njohur e planetit. Nga fillimet e saj në 2008, ku për herë të parë kodet përkatëse u gjeneruan nga një personazh misterioz, shumë ndryshime kanë ndodhur, edhe pse në pak vite.
Në radhë të parë, nga vlera. Një bitcoin nga pak qindra dollarë në vitin 2013 tashmë vlen rreth 60.000 dollarë. Ndërkohë, rreth 14.000 sipërmarrje në botë kanë filluar ta pranojnë si metodë pagese, shumëfishohen aparatet ku mund të blesh ose të shkëmbesh bitcoin në monedhën zyrtare, dhe El Salvadori e ka shpallur monedhë ligjore.
Por misteri i krijuesit të Bitcoin, ende nuk është zgjidhur. Krijuesi në 2008 i ka dhënë vetes nofkën Satoshi Nakamoto, por analistët nuk mendojnë se kemi të bëjmë me një japonez me atë emër.
Ndër vite, shume persona janë identifikuar ose janë vetëshpallur si Satoshi Nakamura, por asnjë nuk ka qenë i besueshëm.
Statuja e kushtuar pseudonimit Satoshi Nakamoto në Budapest
Pa dyshim, emri më i njohur është ai i profesorit australian Craigh White, dhe vendimi i një gjyqi të ndodhur ditët e fundit në Majemi të SHBA-së, mund ta shndërrojë atë në krijuesin gjenial të kriptovalutës.
Wright pretendon jo vetëm se është krijuesi i Bitcoin, por edhe se zotëron 1.1. milionë bitcoin, që me çmimet e sotme përkthehet në rreth 54 miliardë dollarë.
Të afërmit e një inxhinieri të vdekur në 2013, Dave Kleiman, hodhën në gjyq Wright duke pretenduar se ai ishte partner i Wright në krijimin e bitcoin, duke kërkuar gjysmën e pasurisë përrallore, edhe pse ende virtuale, që kishte shpallur inxhinieri australian.
Gjykata nuk i dha të drejtë pasardhësve te Kleiman, por urdhëroi Wright të dëmshpërblehet me 100 milionë dollarë ato për meritat e të ndjerit në zhvillimin e atij brendi. Wright pranoi vendimin, që cilësoi si fitore. Një dëmshpërblim i urdhëruar nga Gjykata, sipas tij, nënkupton pranimin e autoritetit amerikan se ai është krijuesi i Bitcoin.
Ekspertët e sektorit kanë qenë gjithnjë skeptikë për Wright, sepse shuma që ai pretendon se disponon, që përkthehet me dhjetëra miliarda dollarë, i përket vërtet bitcoineve origjinale, diçka kjo që mund ta lidhte atë me krijuesin Nakamoton. Problemi qëndron te fakti se kjo shumë nuk është prekur nga fillimet e bitcoin, dhe teknikisht mund të jenë të kujtdo.
Ato disa herë i kanë kërkuar Wright të tregonte pronësinë, duke dërguar qoftë edhe një fraksion të vogël në një llogari tjetër, për të treguar se ai disponon atë sasi, por australiani ka refuzuar gjithmonë, duke thënë se kjo do të ndodhte pas gjyqit, ku ai do të dhuronte një pjesë të mirë në bamirësi, transmeton A2CNN.
Me vendimin në fjalë, tani nuk mbetet vetëm të pritet një lëvizje e mëtejshme të tij, që mund të zgjidhte një nga misteret më të mëdha të inxhinierisë ekonomike.
