Kryetari i Komisionit për Punë të Jashtme dhe Diasporë, dhe njëherit deputet i Lëvizjes Vetëvendosje, Haki Abazi, ka dalur në mbrojte të kryeministrit të vendit Albin Kurtit, duke thënë se kritika për fustnotën është e pa vend, përcjell InLajmi.
Sipas tij e gjithë kjo zhurmë u be nga ata që aplaudonin e që përkrahnin ata që e vendosën fusnotën dhe e mbajtën peng vendin për 20 vite, ai tha se fusnota, demarkacioni, kryepolici serb në veri, asociacioni, amnistia për paramilitarët e policët e Serbisë, Gjykata Speciale, i ka quajtur të arritura të pushteteve që shkuan.
Postimi i plotë i tij:
E pavend kritika për fusnotën, sidomos që vije si piskamë nga ata që u aplaudonin e përkrahnin ata që e vendosën fusnotën dhe e mbajtën peng vendin për 20 vite. Fusnota, demarkacioni, kryepolici serb në veri, asociacioni, amnestia për paramilitarët e policët e Serbisë, gjykata speciale…, janë të arriturat e pushteteve që shkuan!
Fusnota është pjellë e paditurisë, arrogancës dhe servilizmit politik që është aplikuar me lojalitet deri me 14 shkurt të këtij viti. /InLajmi/
