Gjatë 24 orëve të fundit në Shqipëri janë regjistruar 5 të vdekur dhe 172 raste të tjera me koronavirus.
Ministria e Shëndetësisë dhe Mbrojtjes Sociale në Shqipëri ka njoftuar se numri i përgjithshëm i rasteve me COVID-19 që nga fillimi i pandemisë është rritur në 201 mijë e 902, ndërsa numri i të vdekurve në 3.115.
Ndërkohë, në gjithë vendin janë shëruar 190 qytetarë gjatë 24 orëve të fundit, duke e çuar numrin e të shëruarve në 192 mijë e 428.
Raste aktive aktualisht janë 6.359, ndërsa dhjetëra persona të infektuar po marrin trajtim në spital, transmeton Top Channel.
Në Shqipëri janë kryer edhe 1.440 testime të reja dhe deri më tani janë kryer gjithsej 1.406.517 testime për personat e dyshuar me koronavirus.
