Ish-kandidati i Aleancës për Ardhmërinë e Kosovës (AAK), Besnik Tahiri, për kryetar të Podujevës, ka thënë se e ka ditur që nuk do të fitojë në këtë komunë, por se është nxehur pak në fushatë.
Besnik Tahiri, ka thënë se ka qenë kënaqësi e madhe fushata që ka mbajtur në Podujevë, e sidomos aktivitetet 8 mujore.
Ai ka folur edhe për rezultatin zgjedhor, ku ka thënë se e ka ditur që nuk do të fitojë.
“Kur kam hy në garë unë nuk kam besu që do të fitojë, por masanej duke e ndërtu ekipin, kogja u nxeha mirëpo në fund e mora atë rezultat”, ka thënë Tahiri në Kanal 10
Në zgjedhjet lokale të 17 tetorit, Besnik Tahiri u radhit i 4-ti me 4 % apo me 1.531 vota.
