Ilir Dugolli është ambasadori i ri i Kosovës në SHBA.
Këtë e ka konfirmuar ministrja e Punëve të Jashtme, Donika Gërvalla
“Ilir Dugolli është ambasador në SHBA”, tha Gërvalla.
Tutje, ajo shtoi se Dugolli do ta fillojë punën brenda pak ditësh.
“Brenda shumë pak ditësh udhëton për atje dhe fillon punën”, deklaroi Gërvalla.
Kush është Ilir Dugolli?
Ilir Dugolli aktualisht është ambasador i Kosovës në Turqi.
Ai ishte emëruar shef i misionit diplomatik në Ankara në vitin 2019. Emërimi i tij ishte bërë me propozim të zëvendëskryeministrit dhe ministrit të atëhershëm të Punëve të Jashtme, Behgjet Pacollit.
Më herët, Dugolli ka qenë ambasador në Belgjikë
Ai po ashtu ishte akredituar si ambasador i jashtëzakonshëm dhe fuqiplotë i Kosovës në Estoni, atëherë me rezidencë në Belgjikë, shkruan Gazeta Express
Dugolli ka studiuar në Universitetin britanik “Yale” dhe në “Central European University”
