I pari i Qeverisë së Kosovës Albin Kurti, së fundmi ka uruar komunitetin hebre me rastin e festës Hanukkah, përcjell InLajmi.
Kurti lidhur me këtë festë ka dërguar urimet më të mira për miqtë hebrenjë.
“Sonte është nata e 2 e Hanukkah, urimet më të mira për të gjithë miqtë tanë hebrenj që festojnë. Kujtojmë se në fund, drita gjithmonë do të triumfojë mbi errësirën dhe liria do të lulëzojë kundër shtypjes”, shkruan Kurti në rrjetet sociale.
Ndryshe, “Hanukkah”, që në shqip do të thotë “përkushtim”, festohet në përkujtim të fitores së kryengritësve të lashtë izraelitë, Makabinjëve mbi ushtrinë greko-siriane dhe mrekullinë e mëvonshme të rishenjtërimit të Tempullit të Shenjtë në Jeruzalem dhe rivendosja e Menorës./InLajmi/
