Emisari Special i Bashkimit Evropian në dialogun Kosovë-Serbi Miroslav Lajçak, ka zhvilluar tash së fundmi një takim me kryeministrin e Kosovës, Albin Kurti.
Lajçak pas takimit tha se është duke vazhduar përgatitja e takimit në mes të Kurtit dhe Vuçiqit por se dëshiron rezultat nga ky takim, përcjell KlanKosova.
“Këtë javë unë kam takuar 2 herë kryeministrin Kurti dhe kam biseduar me presidentin Vuçiq. Arsyeja nuk është veç takimi mes Kurtit dhe Vuçiqit. Ne jemi duke punuar në këtë drejtim por arsyeja është rezultati i këtij takimi. Ne duam të kemi rezultate pozitive”, tha tutje Lajçak.
